ناسا کے پرزیورنس روور نے بالآخر مریخ کی سطح سے چٹان کا چھٹا نمونہ کامیابی سے لے لیا ہے۔ اس سے قبل ٹیوب میں چٹان کا کنکر پھنس جانے کی وجہ سے روور نمونہ نہیں لیا جاسکا تھا۔

دسمبر کے آخر میں ایس یو وی سائز کا یہ روور ’اِسول‘ نامی چٹان میں ڈرِل کر رہا تھا، لیکن وہ منصوبے کے مطابق ٹاٹینیئم کی ٹیوب کو بند نہیں کر سکتا۔ کیوں کہ کنکر ہنڈلنگ سسٹم میں پھنس گئے تھے۔

ایک ٹیکنیکل طریقے کو استعمال کرتے ہوئے جس میں ڈرِل کا رخ زمین کی جانب کرتے ہوئے تیزی سے گھومایا گیا۔ اس طرح ناسا کے انجینیئروں نے جنوری کے وسط مین سسٹم کو صاف کیا۔

پرزیورینس نے مریخ کا نمونہ لینے کے لیے ایک بار پھر ’اِسول‘ چٹان کو ڈرل کرنے کی کوشش کی۔ جاری کی جانے والی تصویر میں ڈرل کے نشانات کو دیکھا جاسکتا ہے۔

ناسا نے پرزیورنس اکاؤنٹ سے 31 جنوری کو ٹوئٹ کیا ’یہ چٹان مجھے  واپس دیکھ کر چونک گئی ہے۔ شکر ہے، میں اس قابل تھا کہ ایک اور نمونہ لے سکوں اس کے بدلے میں جو پہلے میں پھینک چکا ہوں۔

ٹوئٹ میں مزید لکھا ’ یہ شاید اب تک جمع کیا گیا سب سے قدیم چٹان کا نمونہ ہے، لہٰذا یہ اس جگہ کی تاریخ کو سمجھنے میں مدد دے گا۔۔۔