اسپیس ایکس کے سربراہ ایلون مسک نے کہا ہے کہ ان کی سیٹلائیٹ سروس کو روسی خبروں کے ذرائع کو بلاک کرنا کا کہا گیا ہے۔

ہفتے کے روز اسپیس کیس چیف ایلون مسک کا کہنا تھا کہ اسپیس ایکس اسٹارلنک سیٹلائیٹ براڈ بینڈ سروس کو کچھ حکومتوں کی جانب سے، یوکرین کی جانب سے نہیں، روسی خبروں کے ذرائع کو بلاک کرنے کا کہا گیا ہے۔

ایک ٹوئٹ میں ان کا کہنا تھا کہ وہ ایسا نہیں کریں جب تک ’گن پوائنٹ‘ پر نہ ہوں، آزادی اظہار رائے کا مطلقی ہونے پر معذرت۔

ایلون مسک نے مزید کہا کہ اسپیس ایکس کی جانب سے سائبر دفاع اور سگنل جیم سے نمٹنے کو اپنی ترجیح بنایا ہے جو اسٹار شپ اور اسٹار لنک وی 2 میں معمولی سی تاخیر کا سبب بنے گا۔

اس سے قبل رواں ہفتے ٹیسلا کے مالک ایلون مسک نے خبردار کیا تھا کہ اس بات کا قوی امکان ہے کہ یوکرین میں موجود اسپیس ایکس کی اسٹار لنک سیٹلائیٹ براڈ بینٹ سروس کو روس کی جانب سے نشانہ بنایا جا سکتا ہے۔

ایلون مسک نے اپنے تحفظات کا اعلان انٹرنیٹ سیکیورٹی محققین کی جانب انتناہ جاری کیے جانے کے چند دنوں بعد کیا کہ سیٹلائیٹ مواصلات کے لیے استعمال کی جانے والی ڈیوائسز کو روس فضائی حملوں میں نشانہ بنا سکتا ہے۔

ایلون مسک نے ٹوئٹ میں خبردار کیا کہ اسٹار لنک وہ واحد غیر روسی مواصلاتی نظام ہے جو یوکرین کے کچھ حصوں میں ابھی تک کام کر رہا ہے، لہٰذا نشانہ بنائے جانے کے امکانات زیادہ ہیں۔ براہ مہربانی احتیاط سے استعمال کیجئے۔

انہوں نے نے صارفین سے اسٹارلنک کو ضرورت کے وقت آن کرنے کے لیے کہا اور کہا کہ انٹینا کو لوگوں سے جتنا ممکن ہو دور رکھیں۔ اور نشان دہی کیے جانے سے بچنے کے لیے اینٹینا کو اوپر سے روشنی سے ڈھکیں۔