کسی دور کا سرسبز جزیرہ ماڈاغاسکر تیزی سے صحرا میں تبدیل ہو رہا ہے اور اس کو غذا کی قلت کا سامنا ہے جس کو دنیا کے پہلے موسمیاتی تغیر کے سبب ہونے والے قحط کے طور پر دیکھا جارہا ہے۔

کرہ ارض پر چوتھا سب سے بڑا جزیرہ اور سب سے مختلف ماحولیاتی نظام کے حامل ملک مڈاغاسکر میں ہزاروں پودوں اور جانوروں کی اقسام پائی جاتی ہیں۔ لیکن اس کے جنوبی خطے میں حقیقت بدل چکی ہے۔

کسی وقت کی ذرخیز زمین پر، جہاں چند قیمتی درخت ہوا کرتے تھے، اب وہاں پر جگہ مٹی اڑتی رہتی ہے۔میدانوں میں، گاؤں میں اور سڑکوں پر اور ان بچوں کی آنکھوں میں جو غذا کی امداد کے منتظر ہوتے ہیں۔

چار سال کی خشک سالی، جس کو اقوامِ متحدہ نے موسمیاتی تغیر سے جوڑا، کے ساتھ چارکول بنانے اور کھیتی باڑی کے لیے جنگلات کے کاٹے جانے نے اس علاقے کو مٹی کے پیالے میں تبدیل کر دیا ہے۔

خشک سالی کے سالوں پر محیط اس دورانیے، جنگلات کے کاٹے جانے، ماحولیاتی نقصان، غربت اور آبادی میں اضافے کے سبب جنوبی مڈاغاسکر میں بڑا غذائی بحران کھڑا ہوا ہے جہاں 10 لاکھ سے زائد افراد کو فی الوقت ورلڈ فوڈ پروگرام کے تحقیق غذا کی ضرورت ہے۔