یورپ کی جانب بڑھتی صحرائے صحارہ کی گرد برطانیہ سے ٹکرانا شروع ہوگئی۔ جنوبی برطانیہ میں بریک سرخ گرد سے گاڑیاں اٹ گئیں۔ البتہ ملک بھر میں ہفتے کے آخر تک درجہ حرارت 16 ڈگری سیلسیئس تک پہنچ سکتا ہے۔

محکمہ موسمیات نے خبردار کیا تھا کہ زمین سے دو کلومیٹر بلندی پر موجود غبار کا بادل برسات کے دوران برطانیہ کے جنوبی علاقہ جات میں دوپہر کے وقت گر سکتا ہے۔

تاہم ایئر کوالٹی کے متعلق کسی قسم کا کوئی انتباہ جاری نہیں کیا گیا ہے۔

میٹ آفس نے یہ بھی کہا کہ ڈرائیورز اس بات کی توقع کر سکتے ہیں کہ ان کو ان کی گاڑیاں سرخ دھول میں اٹی ہوئی ملیں گی۔

فورکاسٹر کا کہنا تھا کہ ایئر کوالٹی کے متعلق کوئی انتباہ نہیں۔ جنوبی علاقوں کے لوگوں کو ان کی گاڑیوں پر دھول ملے گی۔

گزشتہ روز جنوبی اسپین کے علاقاجات میں آسمان کو دھول کی موٹی تہ نے آ لیا تھا جس کی وجہ سے آسمان کا رنگ زرد ہو گیا تھا۔

جاری ہونے والی سیٹلائیٹ تصاویر میں بھی فرانس کے اوپر آسمانوں میں دھول کو دیکھا گیا ہے۔

پیشگوؤں کا کہنا تھا کہ برطانیہ میں بادل کے اثر کا واضح ہونا غیر متوقع ہے، دھول ممکنہ طور پر غروبِ آفتاب کے وقت زیادہ واضح ہوگی۔