ماہرین فلکیات نے پہلی بار ’کلو نووا‘ نامی ایک بہت بڑے خلائی وقوع کے ہونے کے بعد اس کی چمک کی نشان دہی کی ہے۔

کِلو نووا ایسے شدید دھماکے ہوتے ہیں جو نیوٹرون ستاروں کے ایک دوسرے سے ہونے والے تصادم کے نتیجے میں ہوتے ہیں، جس کے سبب خلاء میں انتہائی توانائی والے زرّات کا شدید جیٹ نکلتا ہے۔

یہ دھماکے تابکار روشنی کی چمک پیدا کرتے ہیں جو اہم عناصر، جیسے کہ چاندی، سونا، پلیٹینیم اور یورینیم، کو بڑی تعداد میں پیدا کرتی ہے۔

محققین کا خیال ہے کہ انہوں نے 2017 میں ہونے والے کِلو نووا وقوع کی چمک کی نشان دہی کی ہے۔

اس وقوع کی نشان دہی ایکس رے کی صورت ہوئی ہے جنہیں ناسا کی چندرا ایکس رے مشاہدہ گاہ نے حاصل کیا تھا۔

اس نئی تحقیق کی رہنمائی امریکی ریاست اِلینوائے کے شہر ایونسٹون میں قائم سینٹر فار انٹر ڈِسِپلینری  ایکسپلوریشن اینڈ ریسرچ اِن آسٹروفزکس کے ماہرین نے کی ہے۔

تحقیق کی سربراہ اپراجیتا ہھیلا کا کہنا تھا کہ ہم نیوٹرون ستارے کے ملاپ کے بعد نتیجے کے مطالعے کی صورت ایک نئے میدان میں داخل ہو گئے ہیں۔

انہوں نے مزید کہا کہ ہم کچھ نئی اور غیر معمولی چیز کی جانب پہلی بار دیکھ رہے ہیں۔ یہ ہمیں نئے طبعی عمل کے متعلق مطالعہ کرنے اور سمجھے کا موقع فراہم کرے، جس کا پہلے کبھی مشاہدہ نہیں ہوا ہے۔

نیٹرون ستاروں کا ریڈیئس بہت چھوٹا ہوتا ہے جبکہ کثافت بہت زیادہ ہوتی ہے۔