گوگل آئندہ ماہ سے ایپلی کیشنز کے فون کال ریکارڈنگ کرنے پر مکمل پابندی عائد کردے گا۔

کمپنی ان تمام ایپس کی فعالی ختم کردے گی جس کو استعمال کرتے ہوئے وہ کال ریکارڈنگ ایپس خود کو کالز تک رسائی دیتی ہیں۔

یہ رسائی ایکسیسبلیٹی ٹیکنالوجی کے ذریعے حاصل کی جاتی ہے جس کا مقصد فون کو اس قابل بنانا ہوتا ہے کہ صارفین اس کو مختلف انداز میں استعمال کر سکیں۔

لیکن ان کی رسائی فون کالز کی آواز تک رسائی بھی ہو سکتی ہے اور ان کو محفوظ بھی کر سکتی ہیں۔

گوگل کی جانب سے جاری ہونے والے دستاویز میں واضح ہے کہ اس کا مقصد فون کال ریکارڈنگ نہیں ہے اور نئی تبدیلیاں ایپلی کیشنز کو ایسا کرنے سے روکیں گی۔

ان تبدیلیوں کا اطلاق 11 مئی کو ہوگا، جس کا مطلب ہے کہ کوئی بھی ایپلی کیشن کال ریکارڈ کرنے کے قابل نہیں ہوگی۔

یہ واضح نہیں ہے کہ آیا ڈیویلپرز اس فیصلے پر تعاون کریں گے یا گوگل زبردستی ان ایپلی کیشنز کو اپنے آن لائن اسٹور سے ہٹائے گا۔

لیکن یہ گوگل پلے اسٹور تک محدود ہوگا۔ جس کا مطلب ہے کہ وہ فون جن میں یہ ایپس پہلے سے موجود ہوں گی وہ کال ریکارڈنگ کے قابل ہوں گی۔

گوگل اینڈرائیڈ فون میں کال کی ریکارڈنگ کرنے کے لیے مشکلات میں اضافہ کر رہا ہے۔