ایک نئی تحقیق میں بتایا گیا ہے کہ موسمیاتی تغیر کے سبب طویل اور گرم ہوتے خزاں کے موسم کی وجہ سے تتلیوں کو بقاء میں مشکلات کا سامنا ہوسکتا ہے۔

محققین کا کہنا ہے کہ برطانیہ بھر میں گرم ہوتے درجہ حرارت کیڑوں کو مشکل سے تتلیوں میں تبدیل ہونے دے گا۔

اس اثناء میں محققین نے لیبارٹری میں تھیوری کو آزمانے کے لیے مختلف صورتوں آزمایا۔

برطانیہ میں عام گرین ویئنٹ وائٹس نامی تتلی نے ان ماڈلز میں سب سے بہتر کارکردگی دِکھائی۔ جبکہ ان کے لاروا نے گرم اور طویل خزاں کے صورتوں کے اندر زیادہ وزن گنوایا اور زیادہ توانائی کا استعمال کیا۔

یونیورسٹی آف اسٹاک ہوم کے محققین کا کہنا تھا کہ یہ چیز تتلیوں کے موسمِ سرما میں بقاء اور موسمِ بہار میں ابھرنے کو مشکل بناتی ہے۔

تحقیق کے سربراہ مصنف ڈاکٹر میتھیو نِیلسن، جو اب فِن لیند کی یونیورسٹی آف اولو میں ہیں، کا کہنا تھا کہ محققین نے تحقیق میں دِکھایا کہ سال کے ایک حصے میں تناؤ والی صورتحال کے تجربے کے منفی اثرات سال کے دیگر حصوں میں سامنے آ سکتے ہیں۔

برطانیہ میں گزشتہ موسمِ خزاں الگارو (پرتگال کا ایک ضلع) سے زیادہ گرم تھا۔ ستمبر کے آخر میں وہاں درجہ حرارت 24 ڈگری سیلسیئس تک تھا۔