فیس بک کی مالک کمپنی میٹا نے پہلے سہ ماہی میں 7.5 ارب ڈالرز کا منافع رپورٹ کیا ہے۔ اس برس اس دورانیے میں گزشتہ برس کی نسبت 21 فی صد کم منافع ہوا ہے۔

ایک دہائی سے زیادہ کے عرصے میں ایسا پہلی بار ہوا ہے کہ ایک کے بعد ایک سہ ماہی میں کمپنی کے منافع میں کمی ہوئی ہے۔

تاہم، کمپنی کی آمدنی سات فی صد اضافے کے بعد 26.17 ارب ڈالرز سے 27.91 ارب ڈالرز تک پہنچ گئی ہے۔

فروری میں اپنی آخری آمدی کی رپورٹ میں میٹا نے انکشاف کیا تھا کہ صارفین کی نمو میں ٹھہراؤ کی وجہ سے اسٹاک میں کمی آئی۔

لیکن 2022 کے پہلے سہ ماہی میں، فیس بک کا کہنا تھا کہ اس کے روز مرّہ کے فعال صارفین میں گزشتہ سال کی نسبت تقریباً چار فی صد کا معمولی سا اضافہ ہوا۔ جس کے سبب میٹا کے شیئرز گھنٹوں کی تجارت کے بعد اوپر چڑھ گئے۔

تجزیہ کاروں کے مطابق ایپل کی جانب سے کی گئی پرائیویسی تبدیلیوں کی وجہ میٹا جیسی کمپنیوں کو اشتہارات کے ہدف کے لیے لوگوں کو ٹریک کرنا مشکل ہوگیا ہے، جس کی وجہ کمپنی کی آمدنی کو دھچکا لگا ہے۔

میٹا نئی اشیاء کی جانب توجہ مرکوز کیے ہوئے ہے اور بڑے پیمانے پر میٹا ورس سے متعلقہ اشیاء پر، جیسے کہ ورچوئل ریئلٹی گوگلز، خرچ کر رہا ہے۔