ایک نئی تحقیق میں دعویٰ کیا گیا ہے کہ شدید طوفان گہرے پانیوں سے نئی مٹی لا کر ساحلوں کو سطح سمندر میں اضافے سے بچا سکتی ہے۔

دنیا بھر میں عموماً ساحلی طوفانوں کے بعد ان کے سبب ساحلوں، جائیدادوں اور اطراف کے انفرااسٹرکچر کو ہونے والے شدید نقصان پر توجہ مرکوز ہوتی ہے ۔

تاہم، یہ شدید موسمی وقوعات گہرے سمندر میں موجود ذخائر کو ساحلی پٹی پر لا کر بڑھتی ہوئی سطح سمندر کے سبب ختم ہوتے ساحلوں کو بچا سکتے ہیں۔

موسمیاتی تغیر کے سابب 2100 تک سطح سمندر 25 انچ سے 40 انچ تک بڑھ سکتا ہے۔

عالمی تپش کی وجہ سے شدید موسمی وقوعات کے دوران لہروں کی بلندی میں بھی اضافہ متوقع ہے۔

لیکن محققین کے مطابق تحقیق کے نتائج ممکنہ طور پر ہمارے ساحلوں کے مستقبل کے متعلق طویل مدتی پیش گوئیوں کو بدل سکتے ہیں۔

محققین کو معلوم ہوا کہ قدرتی طور پر ساحلوں پر موجود ریت کے ذخائر اس مقدار کے برابر ہیں جس کی انجینیئرز کو ختم ہوتے ساحلوں سے نمٹنے کے لیے مصنوعی ساحل جیسے منصوبوں کے لیے ضرورت ہوتی ہے۔