یو ایس نیشنل اوشیئنک اینڈ ایٹماسفیئرک ایڈمنسٹریشن کے نئے اور جدید موسمیاتی سیٹلائیٹ کی جانب سے پہلی تصویر بھیج دی گئی، جس میں مغربی ہیمسفیئر کا مکمل رنگین اسکین دیکھا جا سکتا ہے۔

5 مئی کو لی جانے والی اور 11 مئی کو عوام کے لیے جاری کی جانے والی تصویر سیٹلائیٹ کی جانب سے بھیجے جانی والی کئی تصاویر میں سے ایک ہے جو آئندہ دہائی میں شدید موسم، آلودگی، جنگلات کی آگ اور موسمیاتی تغیرکی نگرانی میں مدد دے گا۔

جیو اسٹیشنری آپریشنل اِنوائرنمینٹل سیٹلائیٹ (Goes) ٹی سیٹلائیٹ کو یکم مارچ کو امریکی ریاست فلوریڈا میں قائم کیپ کیناورل سے لانچ کیا گیا تھا اور خطِ استوا پر بحرالکاہل کے اوپر 35 ہزار 888 کلومیٹر کی بلندی پر ہے، جہاں سے اس نے اپنا جیو اسٹیشنری مدار شروع کیا۔

بلندی اور عرض البلد پر، Goes-18 زمین کے گردش کی رفتار کے برابر ہی گردش کرتا ہے، جس کی وجہ سے اس کی پوزیشن نیچے گراؤن کے حساب سے مستحکم رہتی ہے۔