ایک نئی رپورٹ میں بتایا گیا ہے کہ ایلون مسک ٹوئٹر کو خریدنے کے بعد بطور چیف ایگزیکٹیو عہدہ سنبھال لیں گے۔

سی این بی سی نے ذرائع کا حوالی دیتے ہوئے بتایا کہ ٹیسلا اور اسپیس ایکس کے مالک، سوشل نیٹورک کی خریداری مکمل کرنے کے بعد کمپنی کی سربراہی کریں گے۔

تاہم، اس بات کا کوئی اشارہ نہیں دیا گیا کہ آیا یہ معلومات ایلون مسک کی جانب سے آئی ہیں یا ٹوئٹر کی جانب سے آئیں ہیں۔

فی الوقت ٹوئٹر کی باگ ڈور پراگ اگروال کے ہاتھ میں ہے، جنہوں نے ٹوئٹر کے شریک بانی جیک ڈورسے کے نومبر 2021 عہدے سے مستعفی ہونے کے بعد عہدہ سنبھالا تھا۔

ایلون مسک ٹوئٹر کی موجودہ منیجمنٹ کے نقاد رہے ہیں اور انہوں نے بتایا ہے کہ موجودہ رہنماؤں سے سوشل نیٹورک کے چلائے جانے کے متعلق اختلافات کمپنی کو خریدنے کی وجوہات کا سب سے معمولی حصہ ہے۔

چیئر مین بورڈ بریٹ ٹیلر کو بھیجے گئے اپنے پہلے خط میں، جس میں کمپنی کے لیے پیش کش کی گئی، ایلون مسک کا کہنا تھا کہ انہیں منیجمنٹ پر اعتماد نہیں ہے۔

انہوں نے مزید کہا کہ اگر وہ کمپنی کو نہ خرید سکے تو بطور شیئر ہولڈر منیجمنٹ پرعدم اعتماد ہونے کی وجہ سے اپنی پوزیشن پر دوبارہ غور کریں گے۔