ون پلس ٹین ٹی فون کے ساتھ ہی اب اس کمپنی نے اپنے فون کا آپریٹننگ سسٹم بھی لانچ کردیا ہے جسے ون پلس آکسیجن 13 اوایس کا نام دیا گیا ہے۔

کل نیویارک میں اس کی تقریب رونمائی کی گئی جس میں آکسیجن او ایس کی مزید تفصیلات بھی پیش کی گئی تھیں۔ اگرچہ اس وقت صرف اظہار کیا گیا ہے اور پوری دنیا میں لانچ کرنے کی کوئی حتمی تاریخ نہیں دی گئی ہے۔

تاہم اس کا خوبصورت فرںٹ اینڈ تجزیہ نگاروں کو بھلا لگا ہے جس میں ایکوا یعنی پانی کی تھیم کو پیشِ نظر رکھا گیا ہے۔ آکسیجن نے اس بار فون انٹرفیس کو سادہ اور کم ترین اظہار پر رکھا ہے۔ ایپ اور وجٹس کے آئکن کے کنارے خمیدہ رکھے گئے ہیں جو آنکھوں کو پھلے لگتے ہیں۔

فونٹس اور ٹیکسٹ کو بھی بہتر بنایا گیا ہے۔

فون میں میموری اور اسٹوریج کو بہتر رکھنے کے لیے اے آئی بوسٹر آپشن شامل کیا گیا ہے جو فون کو تیزرفتار بھی رکھتا ہے۔ دوسری جانب میڈیا پلیئر کو مزید بہتر بنا کر اس کا آئکن بدلا گیا ہے۔

ون پلس کے نئے ماڈل میں ازخود یہ شامل ہوگا جبکہ پرانے فون میں اپ ڈیٹ کرنے کی ضرورت ہوگی ۔