مائیکروسافٹ کے آپریٹنگ سسٹم ونڈوز پر چلنے والے کمپیوٹرز کے صارفین کے لیے اہم ہدایت کی گئی ہے جس میں سسٹم کو فوری طور پر اپ ڈیٹ کرنا ہے۔

ذرائع کے مطابق سیکیورٹی کا یہ نیا مسئلہ مائیکروسافٹ ڈیفنڈر میں دریافت ہوا ہے اور یہ وہ سافٹ ویئر ہے، جو آپ کے کمپیوٹر کو وائرس، میلویئر اور دیگر خطرات سے محفوظ رکھتا ہے۔

یہ ہیکرز کو حفاظتی اقدامات کو آگاہ کیے بغیر آپ کے سسٹم تک رسائی کی اجازت دینے کے قابل ہے۔

ونڈوز صارفین کو ونڈوز ڈیفنڈر کے کریڈینشل گارڈ ٹول میں سیکیورٹی خدشات کا سامنا کرنا پڑتا ہے، جو زیادہ تر ونڈوز پی سی پر پہلے سے انسٹال ہوتا ہے۔

بنیادی طور پر اس کا مطلب ہے کہ حملہ آور آپ کے سسٹم میں موجود تمام ڈیٹا تک رسائی حاصل کر سکتا ہے اور مشین یا ونڈوز ڈیفنڈر کو آگاہ کیے بغیر آپ کی تمام سیکیورٹی سیٹنگز کو نظرانداز کر سکتا ہے جس کی وجہ سے آپ کے حق راز داری کو خطرہ لاحق ہوسکتا ہے۔

رپورٹ میں ونڈوز ڈیفنڈر کے کریڈینشل گارڈ (Windows Defender Credential Guard) کے استحقاق میں اضافہ اور سیکیورٹی بائی پاس کے خطرات کی اطلاع دی گئی ہے، جو ایک مقامی تصدیق شدہ حملہ آور کو حفاظتی پابندیوں کو نظرانداز کرنے اور ٹارگٹڈ سسٹم پر اعلیٰ اجازتیں حاصل کرنے میں مدد دے سکتی ہے۔

اس خطرے سے بچنے اور اپنے نظام کو محفوظ بنانے کے لیے چند اقدامات ضروری ہیں۔

مائیکروسافٹ نے پہلے ہی اس مسئلے کے لیے ایک سافٹ ویئر فکس جاری کر دیا ہے، ونڈوز پی سی صارفین سے کہا گیا ہے کہ وہ ان نئے ورژنس کے ساتھ اپنے پلیٹ فارم پر مسئلے کو حل کریں اور اپنے سسٹم کو ابھی اپ ڈیٹ کریں۔

ونڈوز ڈیفنڈر کے ساتھ یہ مسئلہ بڑے پیمانے پر نظر آتا رہا ہے کیونکہ اس خامی سے متاثر ہونے والے ونڈوز ورژنس کی ایک لمبی فہرست ہے۔

ونڈوز 10 کے زیادہ تر ورژن اس فہرست میں ہیں جبکہ ونڈوز 11 کے ورژن بھی شامل ہیں۔

آپ کے ونڈوز سرور 2022، 2019 اور 2016 ورژن ہو تو احتیاط برتی جائے کیونکہ ان ورژنس سے بھی خطرات میں اضافہ ہوسکتا ہے۔