اس خبر میں آج ہم آپکو بتائیں گے کہ گزشتہ دنوں متعارف ہونے والے آئی فون 14 میں سب سے بڑی کیا اپ ڈیٹ کی گئی ہے۔

ایپل کے نئے فلیگ شپ فونز میں سب سے بڑی تبدیلی ڈسپلے میں کی گئی ہے، آئی فون 14 کو جب استعمال نہ بھی کیا جا رہا ہو تو بھی ان کی اسکرین آرام نہیں کرتی بلکہ مختلف ویجیٹس جیسے الارمز اور دیگر کو ڈسپلے کرتی رہتی ہے۔

ماہرین کے مطابق اس نئے فیچر سے فون کے استعمال کا وقت بڑھ جائے گا، اب صارفین لاک اسکرین میں ہی نوٹیفکیشنز، ٹائم، ریمائنڈرز اور دیگر چیزیں دیکھ سکیں گے اور انہیں فون ان لاک کرنے کی ضرورت بھی نہیں ہوگی۔

ماہرین نے کہا کہ ایپل ہمیشہ نئے فیچرز کو سب سے پہلے متعارف کرانے والی کمپنی نہیں مگر وہ جب بھی کچھ پیش کرتی ہے اس کا انداز سب سے مختلف ہوتا ہے۔

ایپل کمپنی کے مطابق لاک اسکرین سے صارفین کے اسکرین ٹائم پر کوئی اثرات مرتب نہیں ہوں گے البتہ انگیج منٹ بڑھ سکتی ہے۔