ٹوئیٹر صارفین اب محتاط ہوجائیں کیونکہ ٹوئیٹر انتظامیہ کی جانب سے بڑی پابندی عائد کردی گئی ہے۔

ٹوئیٹر انتظامیہ نے فیس بک اور انسٹاگرام سمیت دیگر سوشل میڈیا سائٹس کے لنک پوسٹ کرنے پر پابندی  لگا دی ہے۔

ٹوئیٹر انتظامیہ کی جانب سے جاری کردہ پیغام میں کہا گیا ہے کہ جو اکاؤنٹس صارفین کو متبادل پلیٹ فارم کی ہدایت کریں گے انہیں معطل کردیا جائے گا۔

مزید پڑھیں: ٹوئیٹر بند ہونے کی افواہیں کیا حقیقت ہیں؟ ایلون مسک کے ٹوئیٹ نے کھلبلی مچادی

سوشل میڈیا سائٹس کے لنکس پر پابندی کے باوجود ٹوئیٹر پر اشتہارات کی اجازت ہوگی تاہم اب ٹوئیٹر کسی بھی سوشل میڈیا پلیٹ فارم کی فری پروموشن کی اجازت نہیں دے گا۔

ٹوئیٹر انتظامیہ کا کہنا ہے کہ کمپنی ایسا مواد حذف کردے گی جو فیس بک، انسٹاگرام اور دیگر سوشل میڈیا پلیٹ فارمز کے اکاؤنٹس سے جڑا ہوگا۔

مزید پڑھیں: ایلون مسک کا ڈیڑھ ارب ٹوئیٹر اکاؤنٹس بند کرنے کا اعلان

ٹوئیٹر انتظامیہ کے مطابق ایسےتمام اکاؤنٹس کو معطل کردیا جائے گا جو دیگر سوشل میڈیا پلیٹ فارمز کے مواد کی پروموشن کریں گے۔ صارفین کو دیگر سوشل میڈیا ویب سائٹس سے کراس پوسٹنگ کی اجازت ہوگی۔

واضح رہے کہ پروفیشنل نیٹورکنگ پلیٹ فارم لنکڈان اور ٹک ٹاک کا نام اس فہرست میں شامل نہیں کیا گیا ہے۔