ٹوئٹر کے چیف ایگزیکٹو ایلون مسک  نے ٹوئٹر کا عہدہ چھوڑنے کیلئے بڑی شرط رکھ دی ہے۔

حال ہی میں سماجی رابطے کی ویب سائٹ ٹوئٹر کے مالک ایلون مسک نے ٹوئٹر پر جاری ایک بیان میں کہا ہے کہ اگر کوئی  بیوقوف شخص ملا جو ٹوئٹر کا چیف ایگزیکٹیوبننا چاہتا ہوگا تو یہ عہدہ چھوڑدوں گا۔

انہوں نے اعلان کیا کہ ٹوئٹرکے سی ای او کا عہدہ چھوڑنے کے بعد میں صرف سافٹ ویئر اور سرور ٹیم چلاؤں گا۔

مزید پڑھیں: ایلون مسک کا ڈیڑھ ارب ٹوئیٹر اکاؤنٹس بند کرنے کا اعلان

یاد رہے کہ کچھ روز قبل ایلون مسک نے سوشل میڈیا پلیٹ فارم کی سربراہی چھوڑنے کے حوالے سے عوام سے ایک ٹوئٹر پول کے ذریعے رائے طلب کی تھی جس کے بعد تقریباً ایک کروڑ سے زیادہ افراد کی جانب سے ٹوئٹر کے سی ای او کے عہدے کو چھوڑنے کے لیے ووٹ دیے گئے۔

اس پول میں 57.5 فیصد افراد نے ایلون مسک کو ٹوئٹر کے سی ای او کا عہدہ چھوڑنے کا کہا تھا۔

مزید پڑھیں: ایلون مسک اب دنیا کے امیر ترین شخص نہیں رہے

اب ایلون مسک نے صارفین کا فیصلہ مانتے ہوئے عہدہ چھوڑنے کا کہا اور ساتھ ہی شرط بھی رکھ دی۔