نوکیا نے سال 2023 کا اپنا پہلا سستا فون پیش کردیا۔

موبائل تیار کرنے والی مقبول کمپنی ’نوکیا نے سی 12‘ کو پیش کیا ہے، جسےفیچرز کے حوالے سے بہتر قرار دیا جا رہا ہے۔

اسے کمپنی نے 2021 میں پیش کیے گئے اپنے فون ’سی 10‘ کا سیکوئل قرار دیا ہے۔

فون میں کئی فیچرز اور ٹیکنالوجی اپڈیٹ کیے گئے ہیں، دیگر کمپنیوں کے مقابلے نوکیا نے اس فون کے بیک پر صرف ایک ہی کیمرا دیا ہے۔

نوکیا سی 12 کو 3۔6 انچ اسکرین کے ساتھ پیش کیا گیا ہے، اس میں بیک اور فرنٹ پر ایک ایک کیمرا دیا گیا ہے۔

یہ بھی پڑھیں: بہترین بیٹری بیک اپ کے ساتھ چینی کمپنی کا نہایت سستا فون

فون کے بیک پر 8 میگا جب کہ فرنٹ پر 5 میگا پکسل کیمرا دیا گیا ہے مگر کمپنی کا دعویٰ ہے کہ اس کے کیمرے باقی فونز کے دو کیمروں سے بھی بہتر رزلٹ دینے کے قابل ہیں۔

فون کو 2 اور 4 جی بی کے دو مختلف ماڈیولز میں پیش کیا گیا ہے جب کہ اس میں 64 جی بی ریم دی گئی ہے۔

نوکیا سی 12 میں 3 ہزار ایم اے ایچ کی بیٹری کو 33 واٹ کے فاسٹ چارجر کے ساتھ متعارف کرایا گیا ہے۔

اوکٹاکور کے سی پی یو کے حامل فون میں اینڈرائیڈ 12 گو کا جدید آپریٹنگ سسٹم دیا گیا ہے اور اسے سیاہ اور بلیو رنگوں میں پیش کیا گیا ہے۔

کمپنی کے مطابق رواں سال کے اس سستے ترین فون میں فور جی نیٹ ورک کی سپورٹ دی گئی ہے اور اسے ابتدائی طور پر چند یورپی ممالک میں پیش کیا گیا ہے۔

فون کی قیمت پاکستانی 29 ہزار روپے تک رکھی گئی ہے اور امکان ہے کہ اسے جلد ہی پاکستان میں بھی پیش کردیا جائے گا۔