دور جدید میں نت نئی سائنسی ایجادات نے ہماری زندگی کو آسان بنا دیا ہے، اب ٹی وی کو چلانے کیلئے بجلی ، وائر یا کسی بھی ریموٹ کنٹرول کی ضرورت نہیں پڑے گی۔

جی ہاں! یہ حقیقت ہے کیو نکہ امریکا میں بنا تار والا یعنی وائرلیس ٹی وی تیار کر لیا گیا جسے لاس ویگاس میں کنزیومر الیکٹرونکس شو کے موقع پر متعارف کرایا گیا ہے۔

امریکا کی اسٹارٹ اپ ڈس کمپنی کے اس ٹی وی میں بیٹری سے پاور فراہم کی گئی ہے، 4 بیٹریوں والا یہ ٹی وی سنگل چارج پر ایک ماہ چل سکتا ہے اگر اسےدن میں 6 گھنٹے چلایا جائے، ایک ماہ بعد اسے دوبارہ چارج کرنے کی ضرورت ہو گی۔

ٹی وی میں ایکٹیو لوپ ویکیوم ٹیکنالوجی کا استعمال بھی کیا گیا ہے جس کی مدد سے ٹی وی کو کسی بھی سطح پر رکھ کر چلایا جاسکتا ہے۔

اس  ٹی وی کی ایک اور خصوصیت یہ بھی ہے کہ اس کیلئے ریموٹ کنٹرول کی بھی ضرورت نہیں ہو گی بلکہ ہاتھوں کے اشاروں سے چینل چینج ہو سکے گا۔

اس کام کیلئے  ٹی وی کے اوپری حصے میں ایک کیمرا نصب کیا گیا ہے۔

یہ بھی پڑھیں: بجلی نہیں آرہی تو اس کے بغیر موبائل اور چارجنگ لائٹ کو کیسے چارج کریں؟ انتہائی آسان طریقہ جانیں

کمپنی کے مطابق یہ ٹی وی 2023 کے آخر تک فروخت کے لیے پیش کر دیا جائے گا جس کی قیمت 3 ہزار ڈالرز ہوگی۔