سوٹ کیس کے حجم کی الیکٹرک موٹرسائیکل متعارف کروائی گئی ہے۔

 رپورٹس کے مطابق آئی کوما نامی کمپنی نے ایک ایسی الیکٹرک موٹرسائیکل تیار کی ہے جس کو کسی سوٹ کیس جیسی شکل میں تبدیل کیا جاسکتا ہے۔

ٹاٹامیل نامی موٹرسائیکل سوٹ کیس کے حجم کے چوکور ڈبے سے چند سیکنڈ میں ایک چھوٹی الیکٹرک بائیک میں تبدیل ہوجاتی ہے۔

سنگل چارج پر یہ موٹرسائیکل 18 میل تک سفر کرسکتی ہے جبکہ اس کا وزن 49 کلو گرام ہے۔

اس موٹر سائیکل پر 25 میل فی گھنٹہ کی رفتار سے سفر کیا جاسکتا ہے جبکہ چارجنگ کے لیے یو ایس بی پورٹ دی گئی ہے۔

کمپنی کا کہنا ہے کہ اس موٹر سائیکل سے آپ اسمارٹ فون اور لیپ ٹاپ کو بھی چارج کرسکتے ہیں۔

یہ بھی پڑھیں: مالک کے مزاج کے مطابق رنگ بدلنے والی گاڑی

خیال رہے کہ اس موٹر سائیکل پر ابھی بھی کام کیا جارہا ہے اور یہ رواں سال کے آخر تک صارفین کو دستیاب ہوگی جس کی قیمت 4 ہزار ڈالرز رکھے جانے کا امکان ہے۔

واضح رہے کہ لاس ویگاس میں کنزیومر الیکٹرونکس شو کے دوران اس موٹرسائیکل کو متعارف کرایا گیا تھا۔

یہ بھی پڑھیں: بجلی کے بغیر چلنے والا وائرلیس ٹی وی متعارف کروادیا گیا