فیس بک کی زیر ملکیت کمپنی  واٹس ایپ کو دنیا بھر میں پیغام رسانی کے لئے استعمال کیا جاتا ہے جوکہ ایک مقبول ترین ایپ پے۔

موجودہ دور میں صارفین کی بڑھتی ہوئی دلچسپی کے پیش نظر واٹس ایپ نے ایک اور تبدیلی پر کام شروع کیا ہےجس کو جلد صارفین استعمال کریں گے۔

واٹس ایپ پر صارفین ہر قسم کا اسٹیٹس لگاتے ہیں جس سے وہ اپنے دوستوں اور رشتے داروں پر اپنے جذبات و احساسات عیاں کرتے ہیں۔

نئی اطلاعات کے مطابق جلد ہی صارفین کو اسٹیٹس لگانے میں احتیاط برتنا ہوگی کیونکہ اگر آپ کا اسٹیٹس کسی صارف کے لیے پریشانی کا باعث بنے گا تو آپ کی شکایت واٹس ایپ کمپنی کو ہوسکتی ہے۔

مزید پڑھیں: واٹس ایپ نے صارفین کی ایک اور بڑی مشکل آسان کر دی

ایپلی کیشن کی سرگرمیوں پر نظر رکھنے والی ویب سائٹ واٹس ایپ بیٹا انفو کی رپورٹ کے مطابق اگر کسی صارف نے قابلِ اعتراض مواد اسٹیٹس پر لگایا تو اسے رپورٹ کیا جاسکے گا۔

اس سے قبل کانٹیکٹس اور پیغامات کو رپورٹ کرنے کا فیچر صارفین کو میسر تھا لیکن اب اسٹیٹس رپورٹ کرنا بھی ممکن ہوگا۔

مزید پڑھیں: واٹس ایپ نے خاموشی سے اب تک کا بہترین فیچر پیش کردیا

رپورٹ کرنے کے بعد اگر وہ مواد واٹس ایپ کے قوانین کے خلاف ہوگا تو ہوسکتا ہے صارف اگلا اسٹیٹس نا لگا سکے کیونکہ پھر کمپنی اس کے خلاف کارروائی کرے گی۔