آج ہم آپ کو بتائیں گے کہ دنیا کے امیرترین افراد میں شامل بل گیٹس کس اسمارٹ فون کو استعمال کرتے ہیں۔

حال ہی میں سوشل میڈیا سائٹ ریڈیٹ میں سوالات کے ایک سیشن کے دوران دنیا کے امیرترین افراد کی فہرست میں 5 ویں امیر ترین شخص بل گیٹس کا کہنا تھا کہ کہ وہ اینڈرائیڈ آپریٹنگ سسٹم والے ایک فولڈ ایبل فون گلیکسی زی فولڈ 4 کو استعمال کررہے ہیں۔

انہوں نے کہا کہ یہ فون لینے کے لیے وہ خود جنوبی کوریا گئے اور سام سنگ کمپنی کے چیئرمین نے انہیں یہ نیا فون دیا۔

 بل گیٹس نے کہا کہ ’اس فولڈ ایبل فون کی اسکرین اتنی بڑی ہے کہ انہیں ٹیبلیٹ استعمال کرنے کی ضرورت نہیں رہی اور اب وہ صرف اینڈرائیڈ پر چلنے والے اسمارٹ فون اور ایک ونڈوز پورٹ ایبل کمپیوٹر پر انحصار کرتے ہیں ‘۔

یہ بھی پڑھیں؛ 114 ارب ڈالرز کے مالک بل گیٹس کا پسندیدہ مشغلہ کیا ہے؟

اس سے قبل بل گیٹس سے ایک انٹرویو میں سوال کیا گیا کہ آخر وہ آئی فون پر اینڈرائیڈ کو ترجیح کیوں دیتے ہیں؟

سوال کے جواب میں بل گیٹس کا کہنا تھا کہ  ’اب آئی فون ان کو پسند نہیں بلکہ وہ اینڈرائیڈ آپریٹنگ سسٹم کو ترجیح دیتے ہیں جس میں سافٹ وئیر کے حوالے سے لچکدار سوچ اپنائی گئی ہے ‘۔

  ان کا کہنا تھا کہ ’کچھ اینڈرائیڈ کمپنیاں مائیکرو سافٹ کے مختلف سافٹ وئیرز پہلے سے انسٹال کردیتی ہیں جس سے انہیں اپنا کام کرنے میں آسانی ہوتی ہے ‘۔