بھارت میں ٹوئیٹر کے دو دفاتر بند کردیے گئے۔

بھارتی میڈیا کی رپورٹ کے مطابق  مائیکرو بلاگنگ ویب سائٹ ٹوئیٹر نے بھارت میں اپنے تین میں سے دو دفاتر بند کردیے ہیں۔

یہ بھی پڑھیں: ایلون مسک نے کتے کو ٹوئیٹر کا سی ای او بنا دیا؟

ٹوئیٹر کے مالک ایلون مسک نے دہلی اور ممبئی میں اپنے دفاتر بند کرتے ہوئے ملازمین کو گھروں سے کام کرنے کی ہدایت کردی ہے۔

ٹوئیٹر انتظامیہ نے دفاتر بند کرنے کے فیصلے کو اخراجات میں کمی سے متعلق اقدام قرار دیا ہے۔

یہ بھی پڑھیں: ایلون مسک کا ڈیڑھ ارب ٹوئیٹر اکاؤنٹس بند کرنے کا اعلان

ٹوئیٹر بنگلورو میں واقع اپنے آفس سے آپریشنز کو جاری رکھے گا۔

اس سے قبل ٹوئیٹر نے بھارت میں اپنے 90 فیصد ملازمین کو فارغ کردیا تھا جس کے بعد اب دہلی اور ممبئی دفاتر کے حوالے سے اہم فیصلہ کیا گیا ہے۔