امریکی خلائی ادارے ناسا کی جانب سے مریخ کی سطح سے ایک تصویر جاری کی گئی ہے جسے بھالو سے تشبیہ دی جارہی ہے۔

غیر ملکی میڈیا کے مطابق یہ تصویر مریخ کے اوپر واقع مدار میں نصب کیمرے ہائی رائز یعنی ہائی ریزولوشن امیجنگ ایکسپرٹ کی جانب سے لی گئی ہے۔

تصویر میں دیکھا جاسکتا ہے کہ مریخ کی سطح پر سرکلر فریکچر (گول دائرے) کو بھالو کا سر اور دو گڑھوں کو اس کی آنکھیں اور وی کی شکل کو بھالو کی ناک اور منہ سے جوڑا جارہا ہے۔

یہ بھی پڑھیں: مشن 2027: ناسا نے انتہائی اہم اعلان کردیا

کہا جارہا ہے کہ مریخ کی سطح پر یہ گول دائرہ دو گڑھوں کی وجہ سے ہوسکتا ہے جو لاوا یا کیچڑ کی وجہ سے ابھرا ہوا تھا، ناک جیسی دکھنے والی سطح کو کہا جارہا ہے کہ یہ ممکنہ طور پر آتش فشاں یا کیچڑ کا راستہ ہے۔

خیال رہے کہ ناسا کی جانب سے یہ تصویر گزشتہ سال لی گئی تھی اور ہائی رائز کیمرا 2006 سے مریخ کی تصاویر بنا رہا ہے۔

یہ بھی پڑھیں: ناسا نے اب تک انسان کے کسی ایلین سے نہ ملنے کی وجہ بتادی