مختصر دورانیے کی ویڈیوز ایپ ٹک ٹاک پر راتوں رات کسی کو بھی وائرل کرنے والا خفیہ بٹن سامنے آ گیا ہے۔

ایک رپورٹ کے مطابق اس ٹاپ سیکرٹ فیچر کو ٹک ٹاک کا عملہ اندرونی طور پر ’ہیٹنگ‘ کے نام سے جانتا ہے۔

رپورٹ میں ٹک ٹاک کے 6 موجودہ اور سابقہ ملازمین کے حوالے سے بتایا گیا کہ سوشل میڈیا پلیٹ فارم کا عملہ ہیٹنگ (heating) نامی فیچر کو استعمال کر کے ایسی ویڈیوز کا انتخاب کرتا ہے جو وائرل ہوسکتی ہیں۔

ہیٹنگ فیچر سے ویڈیوز کو فار یو پیج میں شامل کیا جاتا ہے تاکہ اس ویڈیو پر  مخصوص تعداد تک ویوز  (views) کو بڑھایا جاسکے۔

یہ بھی پڑھیں: معروف ٹک ٹاکر نے اسلام کی خاطر ٹک ٹاک اکاؤنٹ ڈیلیٹ کردیا

یہ بٹن ٹک ٹاک کا عملہ ہدایت ملنے پر خود دباتا ہے۔

ٹک ٹاک کے ایک ترجمان کا فیچر کی تصدیق کرتے ہوئے کہنا تھا کہ ہم کچھ ویڈیوز کو پروموٹ کر کے اپنے مواد کا تنوع بڑھاتے ہیں اور ٹک ٹاک صارفین کو مختلف تخلیق کاروں سے متعارف کراتے ہیں۔

ترجمان نے کہا کہ ٹک ٹاک کی جانب سے وائے دس ویڈیو (why this video) فیچر کو توسیع دی جارہی ہے تاکہ تجویز کیے جانے والے مواد کا عمل زیادہ شفاف بنایا جاسکے۔

رپورٹ میں یہ بھی بتایا گیا کہ ٹک ٹاک کے ملازمین ہیٹنگ فیچر کو تخلیق کاروں کو متوجہ کرنے، مواد کا تنوع بڑھانے اور اہم تفصیلات کو پھیلانے کے لیے استعمال کرتے ہیں۔

عموماً اس فیچر کے تحت ایسی ویڈیوز پر توجہ مرکوز کی جاتی ہے جو ریکومینڈیشنز الگورتھمز نظرانداز کردیتے ہیں۔

یہ بھی پڑھیں: پاکستانی طلبہ کیلئے بڑی خوشخبری؛ ٹک ٹاک کا اہم اعلان