نیٹ فِلکس سروس استعمال کرنے والوں کو کمپنی نے خوشخبری سنا دی ہے۔

غیر ملکی خبر رساں ادارے کے مطابق فلموں اور ویب سیریز کی معروف اسٹریمنگ سروس نیٹ فِلکس نے 30 ممالک میں اپنی سبسکرپشن فیس میں کمی کا اعلان کر دیا ہے۔

یہ بھی پڑھیں: نیٹ فلکس کوملازم کی تلاش؛ تنخواہ آپ کے ہوش اڑا دے گی

 فیس میں کمی کا اعلان عالمی منگائی اور حریف کمپنیوں سے بڑھتے ہوئے مقابلے کے پیش نظر کیا گیا ہے۔

کمپنی کا کہنا ہے کہ فیس میں کمی کچھ خاص قیمتوں کے پلان میں ہو گی جبکہ بعض صورتوں میں نصف تک کم ہوجائے گی۔

 جن ممالک میں فیس میں کمی کا اعلان کیا گیا ان میں ایشیا، یورپ، لاطینی امریکہ،افریقہ اور مشرق وسطیٰ کے مختلف ممالک شامل ہیں۔

اس کے علاوہ ملائشیا، انڈونیشیا، تھائی لینڈ، فلپائن، کروشیا، وینزویلا، کینیا اور ایران سمیت دیگر بھی شامل ہیں۔

یہ بھی پڑھیں: کیا آپ کم قیمت میں نیٹ فلکس استعمال کرنا چاہتے ہیں؟

واضح رہے کہ کمپنی کے اعلان کردہ ناموں میں برطانیہ اور امریکہ کا نام شامل نہیں ہے کیونکہ وہاں نیٹ فِلکس پہلے ہی فیس میں کمی کر چکی ہے۔