55 سال پرانا کمپیوٹر ماؤس اور کوڈنگ سیٹ 5 کروڑ روپے( 178,936 ڈالر ) سے زائد کی رقم میں فروخت ہوگیا۔

1968 میں ایس آر آئی کمپیوٹر ماؤس اور کوڈنگ سیٹ ہارڈویئر کے ممتاز انجینیئر ڈگلس اینگل بارٹ نے بنایا تھا۔

سوشل میڈیا رپورٹس کے مطابق ابگ بوسٹن کے نیلام گھر، آرآرآکشن نے اسے نیلام کیا ہے اور یہ غیرمعمولی قیمت میں فروخت ہوا ہے۔ اس کی وجہ یہ ہے کہ اس ایجاد کی تکنیکی اور تاریخی اہمیت ہے۔

ڈگلس کی اس ایجاد کو دیکھتے ہوئے ایپل کمپنی کے بانی نے اس کا پیٹنٹ 40 ہزار ڈالر میں خریدا تھا۔

اس طرح ماؤس کو پر لگ گئے اور وہ اربوں کی تعداد میں فروخت ہوئے اس میں ماؤس پوائنٹنگ اور کرسر شامل تھا۔ اس کا ایک اور پہلا پروٹوٹاپ دسمبر 2020 میں 34 ہزار ڈالر میں نیلام ہوا تھا۔

یہ ماؤس اسٹینفرڈ ریسرچ انسٹی ٹیوٹ نے بنایا تھا اور اس بنا پر ایس آر آئی ماؤس بھی کہلاتا ہے۔

اس کے بعد مارچ 2022 میں ڈگلس کا تیار کردہ ایک اور ماؤس اور کوڈنگ سیٹ 46 ہزار ڈالر میں فروخت ہوا تھا۔ لیکن اب 16 مارچ کو تیسرا ماؤس اور کوڈنگ سیٹ اب ریکارڈ قیمت میں فروخت ہوا ہے۔