مقبول ترین سوشل میڈیا پلیٹ فارم فیس بک نے انتہائی اہم سنگِ میل عبور کرلیا ہے۔

میٹا کی جانب سے جاری سہ ماہی رپورٹ کے مطابق پہلی بار فیس بک کے ماہانہ صارفین کی تعداد 3 ارب سے تجاوز کرگئی۔

فیس بک کے اعداد و شمار سے عندیہ ملتا ہے کہ کمپنی کی اشتہاری آمدنی کا بنیادی ذریعہ اب بھی لوگوں کی توجہ کا مرکز ہے۔

میٹا کے مطابق اس کی ایپس بشمول واٹس ایپ، انسٹا گرام، میسنجر اور اب تھریڈز کے ماہانہ صارفین کی تعداد 3 ارب 88 کروڑ ہے یعنی لگ بھگ دنیا کی 50 فیصد آبادی میٹا کی ایپس کو استعمال کر رہی ہے۔

رپورٹ میں بتایا گیا کہ فیس بک کو روزانہ استعمال کرنے والے افراد کی تعداد میں بھی اپریل سے جون 2023 کے دوران اضافہ ہوا۔

اس سہ ماہی میں فیس بک کو روزانہ استعمال کرنے والے افراد کی تعداد 2 ارب 64 لاکھ تک پہنچ گئی جبکہ جنوری سے مارچ تک اس کی تعداد 2 ارب 37 لاکھ تھی۔

صارفین کی تعداد میں اضافے کی وجہ ریلز ویڈیوز بنی ہیں اور کمپنی کے مطابق میٹا کی ایپس میں روزانہ 200 ارب بار ریلز ویڈیوز کو دیکھا جاتا ہے۔

میٹا کے چیف ایگزیکٹو مارک زکربرگ کا کہنا ہے کہ تھریڈز بھی بہترین کام کر رہی ہے، ہم نے بہترین پیش رفت دیکھی ہے اور زیادہ اہم بات یہ ہے کہ ہماری توقع سے زیادہ افراد روزانہ ایپس پر واپس آرہے ہیں۔

واضح رہے کہ 2021 کی آخری سہ ماہی کے دوران فیس بک کو روزانہ استعمال کرنے والے افراد کی تعداد میں پہلی بار کمی دیکھنے میں آئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/technology/2023/07/107575/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/technology/2023/07/107575/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں