آئی فون صارفین کے لئے پاکستان ٹیلی کمیونیکیشن اتھارٹی (پی ٹی اے) نے اہم اعلان کردیا ہے۔

تفصیلات کے مطابق پی ٹی اے نے غیر رجسٹرڈ آئی فون کے پرانے ماڈلز کی رجسٹریشن فیس میں کمی کر دی ہے۔

فیڈرل بورڈ آف ریونیو نے حال ہی میں ایپل کے اسمارٹ فونز پر ٹیکس میں کمی کا اعلان کیا تھا جس کے بعد پی ٹی اے نے رجسٹریشن فیس کی مد میں آئی فون 8 اور آئی فون 8 پلس پر ٹیکس میں کمی کا اعلان کیا ہے۔

پی ٹی اے کی جانب سے آئی فون 8 کی پاسپورٹ پر رجسٹریشن فیس 56 ہزار 622 روپے سے کم کر کے 38 ہزار، 922 روپے کر دی گئی ہے جبکہ شناختی کارڈ پر 67 ہزار 784 روپے سے کم کر کے 48 ہزار 314 روپے کر دی گئی ہے۔

پی ٹی اے نے آئی فون 8 پلس کی رجسٹریشن فیس میں بھی کمی کر دی ہے، پاسپورٹ پر آئی فون 8 پلس کی رجسٹریشن فیس 58 ہزار 651 روپے سے کم کر کے 40 ہزار 951 روپے کر دی گئی ہے جبکہ شناختی کارڈ پر آئی فون 8 پلس کی رجسٹریشن فیس 70 ہزار 16 روپے سے کم کر کے 50 ہزار 546 روپے کر دی گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/technology/2023/08/874878/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/technology/2023/08/874878/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں