واٹس ایپ دنیا بھر میں سب سے زیادہ استعمال ہونے والی سماجی رابطے کی ایپلی کیشن ہے اور یہی وجہ ہے کہ واٹس ایپ تیزی سے ترقی کرتے ہوئے اپنے صارفین کو بہتر سہولیات فراہم کرنے کے لیے آئے دن نئے فیچر متعارف کرواتا رہتا ہے۔

اب میٹا کی زیر ملکیت میسجنگ ایپ کے ڈیزائن کو مکمل طور پر تبدیل کیا جا رہا ہے۔

رپورٹ کے مطابق اینڈرائیڈ ڈیوائسز کے لیے واٹس ایپ کے بیٹا ورژن میں میسجنگ ایپ کا نیا ڈیزائن جاری کیا گیا ہے۔

واٹس ایپ کے نئے یوزر انٹرفیس میں ٹاپ بار کو مکمل سفید کیا جا رہا ہے یعنی سبز رنگ غائب ہونے والا ہے۔

البتہ چیٹ اور دیگر لوگو کا رنگ سبز ہو جائے گا۔

اس یوزر انٹرفیس میں واٹس ایپ لوگو کے لیے نیا فونٹ بھی استعمال کیا گیا ہے۔

اس ڈیزائن میں بھی نیوی گیشن بار کو نیچے ہی رکھا گیا ہے جو چیٹس، اسٹیٹس، کمیونیٹیز اور کالز ٹیبز پر مشتمل ہے۔

واضح رہے کہ واٹس ایپ کے اس نئے ڈیزائن پر ابھی کام جاری ہے اور یہ بیٹا ورژن میں محدود صارفین کو دستیاب ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/technology/2023/09/887281/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/technology/2023/09/887281/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں