ناسا کے بارے میں بہت عرصے سے یہ خبریں گردش میں ہیں کہ وہ بہت سنجیدگی سے دوبارہ چاند کی طرف جانے کے بارے سوچ رہا ہے اور اس مشن کوآرٹیمز کا نام دیا گیا ہے۔ اس مشن کانام یونانی دیوتا آرٹیمزکے اوپر رکھا گیا ہے۔ جس کے تحت بہت ساری خلائی گاڑیوں، خاص قسم کے بہت سے راکٹس، نئی ٹیکنالوجی، انجن اور نئے قسم کی ایندھن پر بھی کام ہورہا ہے۔

 ناسا نے اب ایک مجووویزہ منصوبہ بنایا ہے اوراس کے تحت سب سے پہلے ایک خلائی گاڑی یا روور کو چاند پراتارا جائے گا اور اس گاڑی کے اوپران تمام افراد کے نام درج ہوں گے جنہوں نے ناسا کو اپنے نام اس گاڑی پر لکھوانے کے لیے بھیجے تھے۔ یہ نام اس گاڑی کے ذریعے چاند کا دیدار کرنے کے لیے پہنچے گے۔

یہی وجہ ہے کہ ناسا نے عوام کو دعوت دی ہے کہ اگر وہ چاند پر جانے والی اس گاڑی پراپنا نام درج  کروانا چاہتے ہیں تو وہ اپنے نام  15 مارچ سے قبل ناسا کو بھیج دیں۔

اس گاڑی کانام ولیٹائل انویسٹیگیٹنگ پولرایکسپلوریشن رووریا وی آئی پی ای آریعنی وائپرہے، گاڑی چاند کے اوپر جاکر وہاں کی فضا اور وہاں کے حالات کا جائزہ لے گی اور اطراف میں موجود مختلف قسم کے مادوں اور کیمیکلز کو بھی محسوس کر سکے گی۔

یہ گاڑی آرٹیمز پروگرام کا حصہ ہے اور یہ چاند پرچہل قدمی کر کے اس کی سطح کی نیچے کابھی جائزہ لے گی، اس کے اندرد ایسے حساس آلات نصب کیے گیے ہیں جو چاند کے کسی بھی مقام پر پانی کی کسی بھی صورت میں موجودگی کا ادراک اور احساس کرسکتے ہیں۔ ناسا کا کہنا ہے کہ یہ وائپر روور چاند کے قطب جنوبی کے اوپرگھومتا بھرے گا۔

اگر آپ بھی اس گاڑی پراپنا یا اپنے پیاروں کا نام لکھونا چاہتے ہیں کہ تو ناسا کی ویب سائٹ پرجاکر یہ نام دے سکتے ہیں جیسے ہی آپ کا نام اس گاڑی کے لیے دیتے ہیں تو اس کے فوراً بعد آپ کو ایک چھوٹا سا کارڈ یا رسید ڈیجیٹل صورت موصول ہوتی ہے اس کا مطلب یہ ہے کہ آپ اپنا نام وہاں درج کراچکے ہیں۔

یہی وجہ ہے کہ ناسا نے پوری دنیا کے لوگوں بلخصوص خلائی سائنس و ٹیکنالوجی کے شائقین بچوں سے بھی درخواست کی ہے وہ اپنا نام اس گاڑی کے اوپر ضرور لکھوائیں۔

ناسا کے سائنسدانوں نے عوام الناس سے اپیل کی ہے وہ سوشل میڈیا اور مختلف پلیٹ فارمز پر اس خبر کی تشہیر کریں تاکہ زیادہ زیادہ سے لوگ اپنے نام بھیج سکیں، ان کا کہنا ہے کہ یہ حساس گاڑی ایک بہت ہی پیچیدہ مشن کا حصہ ہے اور اس کے بعد انسانوں کی چاند پر جانے کی راہ ہموار کرنے میں بہت مدد ملے گی۔