موبائل فون صارفین کیلئے بڑی خبر آگئی ہے۔

پاکستان کے شماریات بیورو کے جاری کردہ اعداد و شمار کے مطابق مالی سال 24 کے 9 ماہ میں پاکستان کی موبائل فون کی درآمدات میں 181 فیصد اضافہ ہوا ہے۔

 ملک میں رواں مالی سال کے 09 مہینوں جولائی سے مارچ کے دوران 1.301 ارب  ڈالر مالیت کے موبائل فونز درآمد کیے گئے۔

یہ موبائل فونز کی درآمد  گزشتہ مالی سال کے اسی عرصے کے دوران 462.700 ملین ڈالر کے مقابلے میں 181.26 فیصد زیادہ ہے۔

 مارچ 2024 میں پاکستان کی موبائل فون کی درآمدات ماہ بہ ماہ (ایم او ایم) کی بنیاد پر 4.87 فیصد کم ہوئیں۔

  اس کے علاوہ فروری 2024 میں 160.90 ملین ڈالر کی درآمدات کے مقابلے میں 153.051 ملین ڈالر رہیں۔