ایلون مسک نے کہا ہے کہ ایکس (سابقہ ٹوئٹر) پر اشتہارات میں اب ہیش ٹیگز کے استعمال کی اجازت نہیں ہوگی۔

یہ فیصلہ ایلون مسک کی جانب سے ہیش ٹیگز کو ’ایستھیٹک نائٹ میر‘ یعنی بصری بدصورتی قرار دیے جانے کے بعد سامنے آیا۔

ایلون مسک نے یہ اعلان ایکس پر اپنے اکاؤنٹ سے کیا۔ اس فیصلے کا اطلاق صرف اشتہارات پر ہوگا، یعنی عام صارفین بدستور اپنی روزمرہ پوسٹس میں ہیش ٹیگز کا آزادانہ استعمال کر سکتے ہیں۔ تاہم ایکس کے نئے اے آئی سسٹم ’گروک‘ کے مطابق ہیش ٹیگز کے بغیر بھی پوسٹس کو تلاش کیا جاسکتا ہے اور متعلقہ مواد تک رسائی ممکن ہے۔

Starting tomorrow, the esthetic nightmare that is hashtags will be banned from ads on

Advertisement

— Elon Musk (@elonmusk) June 26, 2025

واضح رہے کہ ایکس پر ہیش ٹیگز طویل عرصے سے اشتہاری مہمات کا لازمی جزو رہے ہیں۔ مارکیٹرز ان کا استعمال مخصوص صارفین تک رسائی، برانڈ کی مقبولیت میں اضافے اور مہم کی کارکردگی ناپنے کے لیے کرتے ہیں۔

اب جب کہ اشتہارات سے ہیش ٹیگز کو ہٹا دیا گیا ہے، تو بہت سے برانڈز کو اپنی اشتہاری مہمات پر دوبارہ غور کرنا پڑے گا، خاص طور پر وہ کمپنیاں جو وائرل رجحانات یا برانڈڈ ٹیگ لائنز پر انحصار کرتی ہیں۔

Yaaaay!!! @grok do you still recommend us to use them in some of our posts? Got any tips on how to use effectively?

Advertisement

— giga (@gigametax) June 26, 2025

ایلون مسک کی یہ پابندی بظاہر سادہ سی لگتی ہے، لیکن یہ ایکس کے اشتہاری نظام میں ایک  بڑی تبدیلی کی علامت بھی ہو سکتی ہے۔ آیا یہ قدم اشتہارات کی کارکردگی کو بہتر بناتا ہے یا اسے مزید پیچیدہ کرتا ہے، یہ وقت کے ساتھ واضح ہوگا۔