ٹک ٹاک نے امریکا میں اپنے پہلے  ٹک ٹاک ایوارڈز شو کے انعقاد کا اعلان کر دیا ۔  اس حوالے سے تقریب 18 دسمبر کو ہالی ووڈ پیلڈیئم، لاس اینجلس میں منعقد ہوگی۔

یہ ایوارڈ شو ٹک ٹاک ایپ کے علاوہ ٹیوبی (Tubi) پر براہِ راست نشر کیا جائے گا۔ شو اگلے روز ٹیوبی پر آن ڈیمانڈ بھی دستیاب ہوگا۔

سوشل میڈیا پلیٹ فارم کے مطابق یہ ایوارڈ شو تخلیق کاروں اور فنکاروں کی کامیابیوں کو سراہنے کے لیے منعقد کیا جا رہا ہے۔

تقریب میں ریڈ کارپٹ، براہِ راست پرفارمنسز اور درجنوں معروف تخلیق کاروں پر مشتمل ناظرین شریک ہوں گے۔

ایوارڈز کی کیٹیگریز

ایوارڈز میں مختلف کیٹیگریز شامل ہیں جن میں ’کری ایٹر آف دی ایئر‘ (سال کا بہترین تخلیق کار)، ’ویڈیو آف دی ایئر‘، ’میوز آف دی ایئر‘، ’بریک تھرو آرٹسٹ آف دی ایئر‘، ’اسٹوری ٹیلر آف دی ایئر‘، ’ٹک ٹاک فار گُڈ ایوارڈ‘، ’ایم وی پی آف دی ایئر‘، ’اوکے سلے ایوارڈ‘ اور ’ٹک ٹاک لائیو کری ایٹرز آف دی ایئر‘ شامل ہیں۔

ووٹنگ پورٹل

صارفین 18 نومبر سے شروع ہونے والے ایک نئے ووٹنگ پورٹل کے ذریعے اپنے پسندیدہ تخلیق کاروں کو ووٹ دے سکیں گے۔

اگرچہ یہ ٹک ٹاک کا امریکا میں پہلا ایوارڈ شو ہوگا۔ تاہم کمپنی اس سے قبل جرمنی، میکسیکو، کوریا اور دیگر ممالک میں اسی نوعیت کی تقریبات منعقد کر چکی۔

کمپنی کا موقف

ٹک ٹاک نے اپنے بیان میں کہا کہ ’اسٹیج پر پیش کیے جانے والی ٹرافیز اپنی رنگین روشنی ان تخلیق کاروں پر ڈالیں گے۔

ماہرین کا کہنا ہے کہ  اس اقدام سے ٹک ٹاک خود کو صرف ایک سوشل میڈیا پلیٹ فارم کے بجائے تفریحی صنعت کا ایک اہم حصہ کے طور پر منوانا چاہتا ہے۔

کیونکہ یہ پلیٹ فارم دنیا بھر کے کئی ابھرتے ہوئے فنکاروں اور اداکاروں کے لیے نمایاں مقام حاصل کر چکا ہے۔