اب واٹس ایپ پر نامعلوم نمبرز سے پیغامات براہ راست ںہیں مل سکیں گے۔   واٹس ایپ ایک نئی فیچر پر کام کر رہا ہے۔

اس فیچرکے سبب نامعلوم نمبرز سے آنے والے پیغامات براہِ راست چیٹ میں ظاہرہونے کے بجائے ’’ریکویسٹ‘‘ فولڈرمیں آئیں گے۔

یہ فیچر نامعلوم پیغامات کو روکنے کے بجائے صرف ان کے ظاہر ہونے کا طریقہ تبدیل کرے گا۔

اگرصارف واٹس ایپ کی نئی سیٹنگ ’Who can message me‘ میں ‘Everyone’ کا انتخاب کرتا ہے تو اسے تمام افراد کے پیغامات موصول ہوتے رہیں گے، چاہے وہ نمبر فون بُک میں محفوظ نہ ہو۔

البتہ اگر صارف ’My Contacts‘ کا انتخاب کرے تو صرف محفوظ نمبروں سے آنے والی چیٹس براہِ راست ظاہر ہوں گی۔

دیگر پیغامات انسٹاگرام کی طرح ایک الگ فولڈر ’ریکویسٹس‘ میں جائیں گے۔

اس فولڈر میں صارف پیغامات کو دیکھ کر فیصلہ کرسکے گا کہ وہ جواب دینا چاہتا ہے، پیغام حذف کرنا ہے۔ رپورٹ کرنی ہے یا رابطہ بلاک کرنا ہے۔

اگر صارف کسی پیغام کا جواب دیتا ہے تو وہ چیٹ خود بخود مین چیٹ لسٹ میں منتقل ہوجائے گی۔