مالم جبہ ایک سیاحتی اور تفریحی مقام ہے جو ضلع سوات، خیبر پختونخوا، پاکستان میں واقع ہے۔

یہ اسلام آباد سے 314 کلو میٹر اور سیدو شریف سے 51 کلو میٹر دور ہے، مالم جبہ قراقرم پہاڑی سلسلے میں ایک پہاڑی مقام ہے۔

حکومت کی جانب سے سیاحتی مقامات کھولنے کے اعلان کے بعد پاکستان کے خوبصورت اور دلکش سیاحتی مقامات میں سے ایک مالم جبہ کو بھی سیاحوں کے لئے دوبارہ کھول دیا گیا۔

حکومت کے اس اعلان کے بعد سطح سمندر سے 9200 فٹ کی بلندی پر واقع مالم جبہ ریزورٹ کو بھی سیاحوں کے لئے دوبارہ کھول دیا گیا ہے۔

عالمی وباء کے واقعات میں کمی اور سیاحت کے کھلنے سے مالم جبہ کے رنگ بحال ہو گئے ہیں اور ملک بھر سے سیاح بھی اس خوبصورت وادی کا رخ کر چکے ہیں، مالم جبہ کے افتتاح پر سیاحوں نے بھی خوشی کا اظہار کیا ہے۔

گرین ویلی پر قدرت کے نظاروں کو اچھے طریقے سے محفوظ کیا گیا ہے، یہاں بچوں اور فیملیز کے لیے بہترین جگہیں ہیں۔

سوات موٹروے اور مالم جبہ روڈ کی تعمیر سے آنے والوں کی مشکلات بھی کم ہوگئیں ہیں۔

بین الاقوامی گیمز میں رینگ پوٹ، سمیشن دی مگ، بال تھروینگ، جمپنگ کیسٹل اور دیگر شامل ہیں۔

موسم سرد ہو یا گرم اب سیاح ہر موسم میں مالم جبہ کے دلفریب نظاروں میں گم ہوکر اپنی تفریح کو یادگار بنا سکتے ہیں۔