لاہور کے سرکاری  اسپتال میں ناجائز بچے کی واش روم میں پیدائش ہوئی ہے، اسپتال انتظامیہ نے بچے کو جان سے  مارنے کی کوشش ناکام بنا دی۔

تفصیلات کے مطابق لاہور کے علاقے شادباغ کی رہائشی خاتون نےکوٹ خواجہ سعید اسپتال کے کو واش روم میں بچےجنم دیا اور پیدائش کے بعد خاتون نے بچے کو واش روم میں لگی ٹینکی میں ڈال کر مارنے کی کوشش کی ۔

  ذرائع کا کہنا ہے  کہ اسپتال میں موجود خاتون سویپر نے شورمچاتے ہوئے گارڈز کے ساتھ مل کر واش روم میں موجود پانی والی ٹینکی سے بروقت طبی امداد دے کر بچا لیا اور بچے کو فوری طور پر ایمرجنسی شفٹ کر دیا ۔

 پولیس کی جانب سے ڈاکٹر فہد خان کی مدعیت میں تھانہ گجر پورہ میں مقدمہ درج کر لیا گیا ہے۔

 کوٹ خواجہ سعید اسپتال کے ایم ایس ڈاکٹر اکبر علی بھٹی نے اپنے بیان میں کہا کہ کوٹ خواجہ سعید اسپتال میں واش روم میں غیر قانونی طور پر بچہ پیدا کرنے کا واقع ہوا ہے۔

  کوٹ خواجہ سعید اسپتال کے ایم ایس نے یہ بھی کہا کہ نومولود بچہ ،بچوں کی  ایمرجنسی کی نرسری میں زیرِ علاج ہے ۔ بچے کی حالت اب خطرے سے باہر  ہے اوراسے انکیو بیٹر میں رکھا گیا ہے۔

پاکستان میں بچے کی پیدائش پر اب باپ کو بھی چھٹیاں ملیں گی

 کوٹ خواجہ سعید اسپتال کے ایم ایس ڈاکٹر اکبر علی بھٹی نے مزید کہا کہ اس واقعے کی اطلاع تھانہ گجر پورہ کی دے دی گئی ہے ۔  انہوں نے یہ بھی بتایا کہ اسپتال انتظامیہ نے  واقعے کی ملزمہ مہوش نامی خاتون اور اسکی بہن کو پولیس کے حوالے کر دیا ہے،  پولیس  نے  ایف آئی آر درج کرکے قانونی کارروائی کردی  ہے۔

ایف آئی آر میں کہا گیا ہے کہ مہوش نامی 18سالہ خاتون اسپتال میں ڈلیوری کے لیے آئی، مریضہ کو اسپتال کے سینیٹریورکرعلی اور ثوبیہ کےتعاون سے داخل کیا گیا۔

دریں اثنا لاہور کے سرکاری  اسپتال میں ناجائز بچے کی  واش روم میں  پیدائش  اور پیدائش کے بعد خاتون کی بچے کو  مارنے کی کوشش کی ویڈیو بھی سوشل میڈیا پر گردش کرہی ہے ۔

 گردش کرنے والی ویڈیو میں خاتون کی جانب سے بچے کو پلاسٹک کے شاپنگ بیگ میں لپیٹ واش روم کی پانی والی ٹینکی میں پھینکتے دیکھا جا سکتا ہے۔