مشہور ویڈیو گیم پب جی پر پابندی، عدالت کا بڑا حکم سامنے آگیا ہے۔

لاہور ہائی کورٹ نے ویڈیو گیم پب جی پر پابندی کیلئے درخواست پر پی ٹی اے کو قانون کے مطابق فیصلہ کرنے کا حکم دیتے ہوئے درخواست نمٹادی۔

ہائیکورٹ کے جسٹس عاطر محمود کی سربرارہی میں 2 رکنی بینچ نے ویڈیو گیم پر پابندی کی درخواست پر سماعت کی، جس میں موقف اختیار کیا گیا کہ ’’پب جی‘‘ بچوں کی شخصیت پر منفی اثر ڈال رہا ہے۔

درخواست میں استدعا کی گئی کہ ویڈیو گیم کو پلے اسٹور سے ہٹایا جائے جس پر عدالت نے دلائل سننے کے بعد پی ٹی اے کو چھ ہفتے میں فیصلہ کرنے کا حکم دیتے ہوئے درخواست نمٹا دی۔

تفصیلات کے مطابق شہری فیضان مقصود نے عدالت میں درخواست دائر کی تھی۔