پاکستان کی معروف اداکارہ منال خان کی اداکار احسن محسن اکرام کے ساتھ بات پکی ہوگئی ہے۔

تفصیلات کے مطابق فوٹو اینڈ ویڈیو شیئرنگ کی ویب سائٹ انسٹاگرام پر اداکارہ منال خان نے آج احسن کے ساتھ چند تصاویر شیئر کی ہیں، جس میں دونوں کو خوشگوار موڈ میں دیکھا جاسکتا ہے۔

اداکارہ ایمن خان کی بہن منال خان نے کیپشن میں لکھا کہ آپ میری زندگی بھر کی محبت ہیں جبکہ انہوں نے ساتھ بات پکی کا ہیش ٹیگ بھی استعمال کیا۔

اداکار احسن محسن اکرام نے بھی اپنے انسٹاگرام اکاؤنٹ پر چند تصاویر پوسٹ کرتے ہوئے لکھا کہ میں وعدہ کرتا ہوں زندگی کی آخری سانس تک آپ سے محبت کرتا رہوں گا۔