چاہے دور کوئی بھی ہو، ہر دور میں مردوں نے بھی کھانا بنایا ہے اور عورتوں نے بھی کھانا بنانے میں مہارت حاصل کی ہے۔

مردوں کا کھانا بنانا کوئی معیوب بات نہیں ہے بلکہ کہا یہ جاتا ہے کہ  عورتوں کی نسبت مردوں کے ہاتھ میں ذائقہ زیادہ اچھا ہوتا ہے۔

آج کی تاریخ میں کوئی بھی بڑے ہوٹل کا کچن دیکھ لیں تو وہاں عورتوں کی نسبت مرد خضرات کام کرتے اور مہارت سے کھانا بناتے نظر آتے ہیں۔

اس دور جدید میں کھانا بنانے کے عمل کو ایک مکمل ڈگری کا درجہ دیدیا گیا ہے اور جو کوئی بھی اس ڈگری کو حاصل کرلیتا ہے وہ شیف کہلاتا ہے۔

لیکن آج ہم ان شیفس کی بات کریں گے جو ڈگری حاصل کئے بناء ہی لذیذ کھانا بنانے میں مہارت رکھتے ہیں۔

وہ تمام شیفس دراصل کرکٹ کی دنیا کے ہیروز ہیں جو اپنے اور اپنے گھروالوں کے لئے کھانا بناتے ہیں اور اس پر پوری مہارت بھی رکھتے ہیں۔

شاہد آفریدی:

شاہد آفریدی کی اپنی بیٹی اسمارہ کے ساتھ ایک تصویر گردش کرتی نظر آتی ہے جس میں صاف دیکھا جا سکتا ہے کہ وہ انتہائی اچھے موڈ میں اپنی بیٹی کو اپنے ہاتھ سے بنا ہوا کھانا کھلا رہے ہیں۔

سچن ٹینڈولکر:

دنیا میں ماسٹر بلاسٹر کے نام سے جانے جانے والے سچن ٹینڈولکر کافی بہت اچھی بناتے ہیں

انٹرینشنل کافی ڈے پر انہوں نے اپنے آفیشل انسٹاگرام اکاؤنٹ پر کافی بناتے ہو ئے ویڈیو شیئر کی اور کہا کہ وہ صبح کی پہلی کافی اپنے ہاتھ کی بنی ہوئی ہی پیتے ہیں۔

سرفراز احمد:

قومی ٹیم کے آج کے دور کے سب سے زیادہ مقبول سابق کپتان سرفراز احمد پاستہ بہت اچھا بنا لیتے ہیں۔

انکی ایک ویڈیو منظر عام پر آئی جس میں وہ پاستہ بناتے دیکھائی دے رہے ہیں ،انکی یہ ویڈیو انکی اہلیہ نے سوشل میڈیا کی زینت بنائی اور ویڈیو کویہ کیپشن بھی دے ڈالا کہ “سرفراز کے گھر ہونے کے فوائد”۔

Perks of him being around 🙂 pic.twitter.com/txk0QknOJ8

Advertisement

— Khushbakht Sarfaraz (@sarfarazkhush) August 30, 2021

ویڈیو میں سرفراز کو مکمل پاستہ بناتے دیکھا جاسکتا ہے اور ویڈیو کے آخر میں یہ پاستہ اوون میں رکھتے ہیں اور کہتے ہیں کہ پاستہ 20 منٹ بعد تیار ہو جائے گا۔

اظہر علی:

کورونا واےرس کا شکار ہونے والے اظہر علی نے اپنے قرنطینہ کے دوران کچن میں لذیز دال بنائی اور ساتھ ہی ساتھ یہ بھی کہا کہ قرنطینہ میں وقت گزارنے کیلئے انہوں نے دال بنائی ورنہ کھانا فریج میں پڑا ہوا ہے۔