آج کل ایک نیا ٹرینڈ چل پڑا ہے کہ جس میں لوگ اپنی خوشی اورغم میں اپنے سوشل میڈیا پر موجود اکاؤنٹس کے ذریعے اپنے تاثرات بیان کرتے ہیں۔

صرف یہی نہیں بلکہ اب تو کھانا کھانے سے بھی پہلے کھانے کی تصویر سوشل میڈیا پر اپ لوڈ کی جاتی ہے۔

ایسا ہی کچھ ہوا کہ ایک خاتون نے اپنی منگنی کی انگوٹھی کی تصویر سوشل میڈیا پر شیئر کرائی جو کہ خاتون کو کافی مہنگا پڑگیا۔

قصہ کچھ یوں ہے کہ سوشل میڈیا پر ایک خاتون نے اپنے اکاؤنٹ کے ذریعے اپنی منگنی کی انگوٹھی دکھانے کے لئے اپنے ہاتھ کی تصویر شیئر کی۔

اس تصویر پر خوشی کا اظہار کرنے کے بجائے دیگر سوشل میڈیا صارفین نے خاتون سے ہمدردی کا اظہار کیا ۔

صارفین نے کمنٹس میں لکھا ہے کہ ’اوہ سویٹ ہارٹ، یہ دیکھ کر ہمیں بھی درد ہونے لگا ہے۔“ایک اور شخص نے لکھا کہ ”اوہ میرے خدا، یہ انگلی اپنی زندگی کی بھیک مانگ رہی ہے۔“ایک لڑکی نے لکھا کہ ”منگنی کے چاﺅ میں اپنی انگلی کی جلد نہ کٹوا بیٹھنا۔“

خیال رہے کہ خاتون کی انگلی سرخ ہو چکی تھی اور اس میں انگوٹھی اس قدر پھنسی ہوئی تھی کہ ایسے لگ رہا تھا جیسے ابھی اس جگہ سے انگلی کے دو ٹکڑے ہو جائیں گے۔