جانوروں کی کچھ حرکتیں ایسی ہوتی ہیں جو بعض اوقات انسان کو بہت حیرت میں ڈال دیتی ہیں۔

روایتی طور پر تو جانوروں کا غصہ انسان کے لئے کافی خطرناک ثابت ہوتا ہے لیکن اگر دونوں کے بیچ دوستی ہوجائے  یا پھر غصے کا عنصر ہٹ جائے تو معاملہ یکسر بدل جاتا ہے۔

ایک بندر کی ایسی ہی ویڈیو سوشل میڈیا پر وائرل ہو رہی ہے جس میں انسان اور بندر کے درمیان سودے بازی ہوتے دیکھا جاسکتا ہے۔

Smart 🐒🐒🐒

Advertisement

Ek haath do,
Ek haath lo 😂😂😂😂🤣 pic.twitter.com/JHNnYUkDEw

— Rupin Sharma IPS (@rupin1992) October 28, 2021

ویڈیو کے مناظر کے مطابق بندر ایک شخص کا چشمہ اٹھا کر پنجرے کے اوپر جا بیٹھا، چشمے کا مالک اسے واپس مانگتا رہا مگر بندر اپنی ضد پر اڑا رہا۔

بالآخر مذکورہ شخص نے بندر کو آم کا جوس دینے کا لالچ دیا اور اس کے بدلے اپنی چیز واپس مانگی تاہم ہوشیار جاور نے پہلے آم کا جوس پکڑا اور اس کے بعد چشمہ نیچے پھینک دیا۔

اس دوران چشمہ جالی میں پھنس گیا لیکن بندر بھی اپنی بات کا پکا نکلا اور چشمے کو جالی سے نکال کر نیچے پھینک دیا۔ یوں انسان اور جانور نے سودے بازی کے ذریعے ایک پیچیدہ مسئلہ حل کر دیا۔