پاکستان کی متنازعہ ٹک ٹاک اسٹار و اداکارہ حریم شاہ اور بلال شاہ کی ایسی ویڈیو وائرل ہوگئی ہے جس کے بعد صارفین آگ بگولہ ہوگئے ہیں۔

حال ہی میں انسٹاگرام پر متنازعہ ٹک ٹاک اسٹار حریم شاہ نے ایک ویڈیو پوسٹ کی ہے جس میں دیکھا جاسکتا ہے کہ  وہ اپنے شوہر بلال شاہ کے ہمراہ بیٹھی شیشہ پی رہی ہیں اور ساتھ  کیا یہی پیار ہے گانا بھی  گنگنا رہی ہیں۔

ٹک ٹاک اسٹار حریم شاہ نے اس سے قبل بھی ایک ویڈیو شیئر کی تھی جس میں اُن کے شوہر شیشہ پی رہے تھے اور حریم شاہ لو مان لیا ہم نے ہے پیار نہیں تم کو، تم یاد نہیں ہم کو، ہم یاد نہیں تم کو گانا گا رہی تھیں۔

حریم شاہ نے سوشل میڈیا کے ذریعے اپنی پہچان بنائی، آئے روز وہ انسٹاگرام پر اپنی تصاویر اور ویڈیوز شیئر کرتی رہتی ہیں۔ ان کی متعدد ویڈیو سیاسی شخصیات اور اداکاروں کے ساتھ سوشل میڈیا پر موجود ہیں۔