دنیا بھر میں بچے کی پیدائش کے بعد اس کے لئے ایک بہترین نام منتخب کرتے ہوئے اس کا نام رکھا جاتا ہے۔

لیکن آج ہم آپ کو بچے کے ایک ایسے انوکھے نام کے حوالے سے بتائیں گے جس کا کوئی مطلب نہیں ہے اور انسانی سمجھ سے بھی بالا تر ہے۔

رپورٹس کے مطابق انڈونیشیا میں ایک ایسا بچہ ہے جس کا نام ‘ABCDEF GHIJK’ ہے اور اسکی عمر 12 سال ہے جو کہ اسکول بھی جاتا ہے۔

اس حوالے سے جان کر بے حد تعجب ہوا تھا لیکن یقین اس وقت ہوا جب میڈیا کے سامنے بچے کے اسکول آئی ڈی لائی گئی جس پر  ‘ABCDEF GHIJK ZUZU’ لکھا ہوا تھا۔

اس حوالے سے رپورٹ میں بتایا ہے کہ بچے کے والد صاحب جن کا نام  ذوالفہمی  ہے، انہوں نے بہت پہلے ہی یہ طے کرلیا تھا کہ اپنے پہلے بچے کا نام ’ABCDEF GHIJK‘ رکھیں گے اور اگر اس کے بعد مزید بچے ہوئے تو ان کے نام بھی NOPQ RSTUV اور XYZ رکھیں گے۔

واضح رہے کہ بچے کی والدہ اس نام سے متفق نہیں ہیں اس لئے اس بچے کو  گھر میں ’ABCDEF GHIJK‘ کو ادیف یا ادیبز پکارا جاتا ہے۔