سوشل میڈیا پلیٹ فارم ایک ایسی جگہ ہے جہاں دنیا بھر کے لوگ ایک دوسرے سے بغیر کسی تعلق کے بھی ایک تعلق میں بندھے رہتے ہیں۔

اس پلیٹ فارم کے ذریعے لوگ اپنے تاثرات، حقائق، معلومات اور دیگر وائرل چیزیں بھی شیئر کرتے رہتے ہیں تاکہ لوگوں کو قدرت کی تخلق کا اندازہ ہوسکے۔

ایسی ہی ایک بلی کی ویڈیو سوشل میڈیا پر کافی تیزی سے وائرل ہورہی ہے جس میں اس کے چار کان ہیں جو اسے منفرد بنا رہے ہیں۔

اس بلی کا تعلق ترکی سے ہے جس کا نام ’میداس‘ بتایا جارہا ہے اور جو رنگت کے اعتبار سے بھوری ہے۔

میداس نامی یہ بھوری بلی چار کان ہونے کی وجہ سے صارفین کی توجہ حاصل کرنے مں کامیاب ہوگئی ہے۔

اس حوالے سے جاری رپورٹس میں بتایا گیا ہے کہ جینیاتی تبدیلی کے باعث بلی کے چار کان ہیں جب کہ جبڑا ناکارہ ہے۔

میداس نے انٹرنیٹ پر دو کتوں، سوسی اور زینو کے ساتھ اپنی روزمرہ کی زندگی کے بارے میں سوشل میڈیا پوسٹس کے ذریعے بڑے پیمانے پر شہرت حاصل کی اور اب انسٹاگرام پر میداس کے 77 ہزار سے زائد فالوز ہیں۔