امریکہ میں ایک پولیس افسر بچی کو حادثے سے بچاتے ہوئے خود اس کا شکار ہوگیا ہے جس کی ویڈیو بھی منظر عام پر آچکی ہے۔

رپورٹس کے مطابق امریکہ میں ایک پولیس اہلکار نے بچی کی جان بچانے کے لئے اپنی جان کو خطرے میں ڈال دیا ہے ۔

اس ویڈیو میں دیکھا جاسکتا ہے کہ ایک  پولیس افسر زیبرا کراسنگ پر کھڑی روڈ کے دوسرے پار جانے کے لئے ایک لڑکی کو ہدایت کرتا ہے جس کے بعد وہ روڈ کراس کرنے لگتی ہے۔

 ایسے میں سامنے سے ایک تیز رفتار گاڑی آجاتی ہے  اور لڑکی کو بچاتے ہوئے وہ اہلکار گاڑی کے سامنے آجاتا ہے۔

اس ویڈیو کو شیئر کرتے ہوئے  سیسل کاؤنٹی پبلک اسکولز کی جانب سے پولیس اہلکار کے اس بہادرانہ انداز کو خوب سراہا گیا ہے ۔