مشہورگلوکارجسٹن بیبرنے جنسی ہراسانی کا الزام لگانے والوں کے خلاف دائرہتک عزت کا کیس واپس لےلیا۔

امریکی میڈیا کے مطابق جسٹں بیبرنے لاس اینجلس کی عدالت عالیہ میں دوٹوئٹرصارفین کے خلاف دائرکیس کوخارج کرنے کی درخواست کردی ہے۔

گلوکارنے 2020 میں جنسی ہراسانی کا الزام عائد کرنے پردوٹوئٹرصارفین خدیدجا دیجبرین اورڈینیئل کے خلاف بیس ملین ڈالرہرجائے کا کیس دائر کرتے ہوئے کہا تھا کہ ’ مذکورہ خواتین نے 2014 اور 2015 میں مختلف مواقعوں پرکی گئی متعدد ٹوئٹس میں جسٹن بیبرپرجنسی ہراسانی کے الزامات عائد کیے تھے۔‘

جسٹن کے وکیل ایوان اسپیگل نے عدالت کے باہر میڈیا سے گفتگو میں کہا کہ ان کے موکل نے کیس کوختم کرتے ہوئے آگے بڑھنے کا فیصلہ کیا ہے

جسٹن کی جانب سے کیس دائر کیے جانے کے بعد ثالثیین نے دونوں فریقین کے درمیان مصالحت کی کوششیں بھی کیں جو کہ ناکام رہی، جس کے بعد عدالت نے گزشتہ ماہ کیس کی سماعت کے لیے مئی کی تاریخ مقرر کردی تھی۔

ڈینیئل نامی خاتون نے 9 مارچ 2014 کوکی گئی ٹوئٹ میں جسٹن پرانہیں ریاست ٹیکساس میں واقع ایک ہوٹل کے کمرے میں بلا کر جنسی ہراساں کرنے کا الزام عائد کیا تھا۔

تاہم جسٹن بیبرنے ان الزامات کوبے بنیاد قراردیتے ہوئے کہا تھا کہ ’ یہ بات بلکل ناممکن ہے، کیوں کہ اس رات وہ اپنی گرل فرینڈ سیلینا گومز کے ساتھ تھے۔‘

ثبوت کے طورپرانہوں نے اپنے سوشل میڈیا اکاؤنٹس پرتمام رسیدیں، ای میل اورخبروں کے تراشے بھی پیش کیے تھے۔