پاکستان شوبز انڈسٹری کی سابقہ اداکارہ ، ماڈل اور میزبان نور بخاری نے کہا ہے کہ دُعا زہرہ کیس کو اب مزید نہ اُچھالیں، اب اسے اُن کے گھر کا ذاتی مسئلہ رہنے دیں۔

 نور بخاری نے  سماجی رابطے کی ویب سائٹ پراس کیس کے حوالے سے ایک ویڈیو پیغام جاری کیا ہے کہ جس میں ان کا کہنا ہےکہ بچوں سے غلطی ہوگئی ہے، اُنہیں اندازہ نہیں تھا کہ یہ سب اس حد تک پہنچ جائے گا لیکن اب سب سے گزارش ہے کہ مزید اس کیس پر بات نہ کریں تاکہ اُن کے والدین کی مزید عزت خراب نہ ہو۔

نور بخاری نے کہا کہ بچی بھی ایک صدمے سے گُزر رہی اور والدین بھی، ایسے میں آپ کے منفی تبصرے اُن کو مزید پریشان کررہے ہیں۔

اُنہوں نے مزید کہا کہ مثبت سوچیں اور اللّہ کا شُکر ادا کریں کہ دُعا کے ساتھ کچھ غلط نہیں ہوا، ساتھ ہی سب کی بیٹیوں کی عزت کی حفاظت کے لیے دُعا کریں۔