سوشل میڈیا پر اکثر ایسی ویڈیوز وائرل ہو جاتی ہیں جن کو دیکھ کر صارفین حیران ہو جاتے ہیں۔

حال ہی میں ایک ویڈیو منظر عام پر آئی ہے جس میں فرانس کی سرکاری ایئرلائن ایئر فرانس کی پرواز میں دو پائلٹس آپس میں لڑپڑے۔

 سوئٹزر لینڈ کے اخبار لا ٹریبیون کے مطابق طیارے کو اڑانے کے بعد کاک پٹ میں موجود پائلٹ اور معاون پائلٹ کے درمیان کسی بات پر جھگڑا ہوگیا اور کچھ ہی دیر بعد دونوں باہم دست گریباں ہو گئے۔

بعدازاں ایئر فرانس نے دونوں پائلٹس کو معطل کر دیا اور اب دونوں پائلٹس اپنے مکمل طور پر نامناسب رویے پر انتظامیہ کے فیصلے کا انتظار کر رہے ہیں۔

واضح رہے کہ فرانس کی پرواز میں دونوں پائلٹس کے درمیان جھگڑا رواں برس جون میں ہوا تھا لیکن واقعے کی رپورٹ اب منظر عام پر آئی ہے۔