شادی کا دن ہر انسان کے لیے بہت بڑا دن ہوتا ہے اور اس دن کے لیے ہم پہلے سے تیاریاں کرتے ہیں کہ اس کو کیسے یادگار بنایا جائے۔

لیکن ایک معروف کھلاڑی نے ایسا بالکل نہیں کیا انہوں نے شادی کے موقع پر اپنے بھائی کو ہی بھیج دیا۔

سپر الیون عالمی پلیئر محمد بویا نے سویڈش فٹبال ٹیم مالمو کے ساتھ 22 جولائی کو معاہدے پر دستخط کیا جس کے باعث انہیں اپنی شادی کے دن وہاں موجودگی سے محروم ہونا پڑا اور انہوں نے شادی کی تقریب میں شرکت کے لیے اپنے بھائی کو ہی بھیج دیا۔

https://twitter.com/turay_buya/status/1553867112912920578

فٹبالر نے انٹرویو میں کہا کہ شادی ضروری تھی اور سویڈن بھی جانا تھا اس لیے ایک دن قبل نکاح کی رسم کرکے تصاویر بنوالی تھیں تاہم تقریب میں شامل نہیں ہوسکا۔

انہوں نے کہا کہ اب پہلے ہماری ٹیم کو فٹبال لیگ جیتنی ہے جس کے بعد اپنی اہلیہ کو سویڈن بلوانے کی کوشش کروں گا۔