پیرا گلائیڈنگ، ایک ایسا شوق ہے جس میں جان داؤ پر لگادی جاتی ہے اور گرنے کا ڈر الگ ہوتا ہے لیکن صرف زندہ دل افراد ہی اس شوق میں مہارت حاصل کرسکتے ہیں۔

 سوشل میڈیا پر ایک انوکھے انداز میں پیرا گلائیڈنگ  ویڈیو وائرل ہو رہی ہے۔

جی ہاں وائرل ہونے والی ویڈیو میں ایک نوجوان لڑکے کے ساتھ اُس کے پالتو کتے کو بھی پیرا گلائیڈنگ سے لطف اندوز ہوتے ہوئے دیکھا جا سکتا ہے ۔

سوشل میڈیا پر وائرل ہونے والی ویڈیو پر جہاں صارفین کی جانب سے اس ویڈیو کو پسند کیا جا رہا وہیں بہت سے سوشل میڈیا صارفین ویڈیو پر تنقید بھی کرتے ہوئے نظر آ رہے ہیں۔

ایک صارف نے ویڈیو پر کمنٹ کرتے ہوئے کہا  کہ کتا پیرا گلائیڈنگ  کے مزے نہیں لے رہا بلکہ ڈر رہا ہے۔

جبکہ ایک صارف نے کہا کہ جانوروں کا خیال کریں اور ایسی حرکتیں کرنے سے بھی خود کو روکیں۔

 یاد رہے اس سے قبل ایک پیرا گلائیڈنگ  کی ویڈیو وائرل ہوئی تھی جس میں پیراشوٹ کی ایک ڈوری کو ٹوٹتے ہوئے دیکھا گیا تھا۔

سوشل  میڈیا پر وائرل ہونے والی اس پیرا گلائیڈنگ کی ویڈیو نے سب کو ہی خوفزادہ کردیا تھا۔

تاہم وائرل ہونے والی ویڈیو میں ایک سیاح کو دیکھا جاسکتا ہے جس کا پیرا گلائیڈنگ کے دوران اچانک رسہ ٹوٹ جاتا ہے اور وہ زمین  پر آگرتا ہے تاہم خوش قسمتی سے  سیاح شدید چوٹوں سے محفوظ رہا۔

واضح رہے کہ اس ویڈیو کے حوالے سے اے سی نور الحق کا کہنا تھا کہ موٹر بوٹس سے بندھے رسے اور سیاحوں کو فراہم کئے جانے والی خستہ حال لائف جیکٹس کسی بھی وقت کسی سنگین حادثے کا سبب بن سکتی ہیں اس لئے قیمتی انسانی جانوں کو بچانے کے لئے احکامات جاری کئے ہیں۔